Nan dènye tan yo genyen anpil moun ki plenyen pou pyèj kamera kache, nou di pyèj paske nan prensip enstalasyon kamera genyen kote ki estrikteman entèdi pou genyen kamera tankou si nou pran kèk ekzanp: twalèt, chanm otèl etc. Epi pou ale pi lwen genyen kèk kote lè gen kamera responsab espas la dwe mete ansèy oubyen avèti moun kap frekante espas la ke genyen prezans kamera siveyans. filme yon moun san konsantmanl se yon deli epi si gen konsiderasyn asèlman oubyen vyolasyon entimite etc. li ka konsidere kòm yon krim grav.
Kamera siveyans yo genyen yon dispozitif yo rele enfrarouj ki pèmèt li fonksyone nan nuit oubyen lè genyen yon tanperati oubyen nenpot bagay ki ka deranje vizyon an, dispozitif sa se pa yon bagay nap ka dekouvri a je nou konsa, se sak fè yo di enfra-rouj tèm enfra a vle di anba oubyen pi piti (enfra-rouj pi piti ke rouj) li gen yon bèl longè dond epi li detekte kelkeswa chalè a swa yon bagay oubyen yon moun.
Si nou nan yon espas epi nou gen yon dout pou nou detekte kamera kache sa, etèn tout limyè ki nan espas la fèmen rido asire nou ke espas la sonb epi otomatikman nou fin fè sa rale telefòn nou metel sou videyo epi komanse anrejistre asire nou, nou filme tout espas la san mank e si tout fwa ta genyen yon kamera nan espas la nap rapid wè limyè enfrarouj yo e se nan espas sa kamera a ye.
Écrire par : Julio Peter GILLES
Sources :
" Koman nou kapab demaske yon Kamera Kache byen senp? "
.jpeg )
